Sali Berisha ishte në studion e emisionit ‘Zonë e Lirë’ ndërkohë që përballë kishte pesë përfaqësues të shkollës së Kontekstualistëve në UET.
Një prej tyre, Arjan Curri nuk i kurseu vlerësimet për ish-kryeministrin. Para se ti drejtonte pyetjen e tij Berishës, Curri u shpreh se mamaja e tij, e cila ishte mjeke ka qenë studente e Berishës dhe me këtë rast i përcolli përshëndetjet.
“Unë kam shumë konsiderata për ju z. Berisha. Madje mamaja më porositi që tju bëj shumë të fala. Ne jemi të djathtë, kurse mamaja është berishiane. Ju ka njohur që kur ishte e re, studente dhe ju z. Berisha ishit pedagog i Fakultetit të Mjekësisë. Nuk e di a e mbani mend?” – u shpreh Çurri.
Ndërkohë duke u futur tek politika, filozofi Curri ju ‘lut’ Berishës që të kthehet në politikë dhe të marr në dorë revolucionin, siç e quajti ai. Ai e cilësoi Sali Berishën si një diell që ndriçon. Por ‘lutja’ e tij nuk u pranua, pasi Berisha i qëndroi deklaratës së bërë edhe më herët sa i takon angazhimit në politikë.
