Kryeministri Edi Rama, gjatë konferencës së sotme për shtyp, përpos të tjerave, paralajmëroi se do të zbulohet shumë shpjet e vërteta e për incerenatorët, duke nënkuptuar çmontimin e akuzave të opozitës së kryesuar nga Ilir Meta dhe Sali Berisha. Në fjalën e tij, Rama tha se opinioni publik ka dëgjuar përralla dhe gënjeshtra pa fund për incerenatorët në kushtet kur, sipas kryeministrit, e vërteta është ndryshe dhe do të dalë në pah.
Po çfarë të vërtetash paralajmëron kryeministri Rama për incerenatorët dhe do të përmbysin fabulën e ngritur kryesisht nga Ilir Meta dhe Monika Kryemadhi?
Kjo mbetet për t’u parë. Megjithatë, ditët e fundit, ka pasur sinjale në media kur për landfilin e Elbasanit, janë publikuar disa dokumente, duke konfirmuar se ka koston më të ulët në Shqipëri, në raport me 5 landfillet e tjera.
Gjithashtu, Baton Haxhiu, i njohur për raportet e afërta me Ramën, pyeti Ilir Metën mbrëmjen e enjtes mbi moralin e sulmeve të tij ndaj bashkëpunëtorëve të ngushtë, Lefter Koka dhe Alqi Bllako, mbi të cilët hodhi pafund baltë, duke marrë në mbrojtje nga ana tjetër kokat e inceneratorëve, të cilët dyshohet se kanë furnizuar me dokumente gjysmake Monikën, për të krijuar një perceptim të deformuar dhe larg realitetit.
Me sa duket, në skenë do të dalin bashkëpunëtorë dhe financues të Ilir Metës, pjesë e historisë së inceneratorëve, por që janë mbuluar nga Meta, në funksion të llogarive të tij politike dhe hakmarrjeve. Por, nuk përjashtohet as mundësia e zbulimit të fakteve befasuese dhe të paparashikuara.
