Ashtu siç edhe pritej, Sali Berisha, në koordinim në prapaskenë me Ilir Metën, ndërmori një sulm të dhunshëm për rreth tre orë, ndaj selisë së Partisë Demokratike, me qëllim pushtimin e saj me forcë dhe kthimin e selisë në strehë të fronit anti-amerikan.
Sulmi i dhunshëm ishte një mesazh i Sali Berishës dhe Ilir Metës ndaj Shteteve të Bashkuara të Amerikës, me qëllim për t’i detyruar që t’i nxjerrë nga lista e zezë dhe lista e kandidatëve për sanksione të reja.
Sulmi i dhunshëm ishte gjithashtu një mesazh ndaj SPAK, investimi më i madh i amerikanëve për goditjen e krimit dhe korrupsionit elitar në Shqipëri.
SPAK ka bërë gati fletën e arrestimit për Fatmir Mediun, i cili për të shmangur disa dekada burg për Gërdecin, pritet të flasë për Sali Berishën dhe të birin, si orkestruesit e fabrikës së vdekjes.
Sulmi i urdhëruar nga Berisha ndaj selisë së PD-së është edhe një mesazh i Berishës ndaj Gjykatës Kushtetuese, për të shpëtuar aleatin e tij Ilir Meta nga shkarkimi. Por a do të lëkunden Shtetet e Bashkuara të Amerikës dhe drejtësia e re pas demostrimit të dhunës së sotme nga Sali Berisha?
Përgjigja ka ardhur nga përfaqësuesja e Shteteve të Bashkuara të Amerikës në Tiranë, Yuri Kim, e cila paralajmëroi Sali Berishën se do të mbajë përgjegjësi si organizator i dhunës ndaj selisë së PD. Me përgjegjësi nuk nënkuptohet vetëm mundësia e një procedimi penal të Sali Berishës nga SPAK, por mundësia e sanksioneve të SHBA ndaj Sali Berishës, grupit të tij të sulmit dhe Ilir Metës, i cili pritet të shkarkohet si President.
Pas ditës së sotme, Sali Berisha pritet të përballet me sanksione për krimin e organizatave paralele, dhunë dhe korrupsion. Pikërisht për krijimin e institucioneve paralele në Bosnje dhe minimin e stabilitetit, Shtetet e Bashkuara të Amerikës kanë vendosur ditët e fundit ndaj Millorad Dodik, anëtar serb i Presidencës së Bosnje e Hercegovinës. Sanksionet përfshijnë ‘ngritjen’ e pronave, interesave dhe transaksioneve. Kujtojmë që Sali Berisha është shpallur më parë nga Departamenti Amerikan i Shtetit si minues i demokracisë në Shqipëri.
Por, krahas sanksioneve më në fokus pasurinë, Sali Berisha dhe grupi i tij rrezikojnë një tjetër goditje nga Shtetet e Bashkuara të Amerikës. Berisha dhe grupi i sulmit, pas dhunës së vazhdueshme ndaj selisë së Partisë Demokratike, rrezikojnë të shpallen organizatë kriminale, si grupet serbe që veprojnë në Veri të Kosovës. Mesazhet që vijnë nga Uashingtoni janë të qarta për Sali Berishën dhe shpurën e tij./Pamfleti
