Sot janë aleatë, ja çfarë ka thënë Sali Berisha për Ilir Metë dhe parashikimi i tij për fundin e kokës më të madhe të trafiqeve dhe korrupsionit në Ballkan, akuza për dy vrasje në Dajt
Vite më parë, Sali Berisha ka parashikuar se Ilir Meta do ta mbyllë jetën e tij në burg, jo për korrupsion dhe pastrim parash, por për veprat më të rënda që parashikon kodi penal shqiptar. Edhe pse sot janë aleatë për shkak të frikës nga drejtësia e re, për Sali Berishën dhe Partinë Demokratike Ilir Meta përfaqëson klanin më të rrezikshëm të trafiqeve në Shqipëri. Sipas Berishës, Ilir Meta është koka e të gjitha trafiqeve në Shqipëri. Sipas tij, Ilir Meta ka trafikuar fëmijë, vajza të mitura, drogë dhe armë. Berisha e ka akuzuar Metën edhe për dy vrasje në Dajt, vrasje të cilat përmenden edhe raportet sekrete të faktorit ndërkombëtar. Për të gjitha këto, Sali Berisha parashikon se Ilir Meta fundin e jetës së tij do ta kalojë në burg.
Konkretisht, Sali Berisha ka thënë: “Për PD, Ilir Meta është njeriu që përfaqëson klanin më të rrezikshëm të trafiqeve në Shqipëri, të trafikut të drogës, të trafikut të fëmijëve dhe të trafikut të vajzave të mitura. Në historinë e vendit, ky mbetet njeriu që me bandat e tij ngjiti Shqipërinë në krye të listës së vendeve të planetit, të trafiqeve të skllavërisë së seksit, të fëmijëve të drogës dhe armëve. Mbi këta të dy (për Ilir Metën dhe bashkëshorten e tij) rëndojnë dy varre dhe dy krime të fshehura pas malit të Dajtit). Nuk do të jetë e largët dita kur Ilir Meta do ta mbylli jetën e tij pas hekurave të burgjeve”.
Për hetë të parë Sali Berisha ka akuzuar Ilir Metën për vjedhjen e floririt në Krrabë, nga ku dyshohet se buron një pjesë e pasurisë së Ilir Metës. “Në qoftë se dikush mendon t’u vjedhë floririn shqiptarëve dhe të lajë duart si Ponc Pilati, gabon shumë rëndë, ka bërë llogari të gabuara. Kërkoj me insistim dorëheqjen e Ilir Metës. Ai tjetri në fund nuk quhet Ilir Meta, por Ilir Floriri”. Si shumë për ngjarje të tjera, edhe për këtë skandal, një ndër më të rëndët në historinë e pluralizmit shqiptar, nuk ka asnjë përgjegjës.
Berisha ka akuzuar Ilir Metën edhe për porositjen e dy deputetëve, Tom Doshit dhe Mhill Fufit. “Ne kërkojmë që Ilir Meta, si i akuzuari kryesor për një akuzë të padëgjuar në 25 vjet, më e rënda, që të zbres nga Kryetar i Kuvendit, në deputet i thjeshtë dhe t’i hapë rrugë hetimit. Jep dorëheqjen se është kushti më minimal. Ne s’do pranojmë kurrë që parlamentin ta drejtojë një njeri i akuzuar për 2 vrasje. Të mos shkojmë aty ku vendi nuk duhet të shkojë. Nuk do pranojmë ta udhëheqë parlamentin një njeri i akuzuar për dy vrasje. Nuk pranuam kurrë të nënshkruajnë marrëveshje përmbajtës të krimit të shtetit”./Pamflet
