Parlamentit shqiptar do t’i shtohet edhe një parti tjetër në mesin e 70 partive aktuale. Mësohet se themeluesi i kësaj force politike, përflitet se do të jetë deputeti Myslim Murrizi, i cili, i kontaktuar nga Dosja.al, nuk e përjashtoi këtë mundësi. “Nuk dua të përbëj lajm në gusht, por s’kam asgjë për të fshehur”, tha Murrizi.
Bashkë me Murrizin do të jetë Halit Valteri, Alban Zeneli, Korab Lita, por edhe disa nga ata që hynë në Kuvend. Ndërsa nuk dihet akoma nëse pjesë e këtij grupi do të jetë edhe Rudina Hajdari, e cila e refuzoi dje ftesën e Astrit Patozit për t’ju bashkuar Partisë Bindja Demokratike.
