Analisti Frrok Çupi u shpreh se ish-kryeministri Sali Berisha nuk është politikan as i kulturuar, por sipas tij ai është kryetar fisi.
Çupi tha se Berisha ka krijuar gjithnjë idenë e njeriut që lexon libra ashtu siç sipas tij ka krijuar shumë alibi të tjera.
“Berisha nuk është komunist, por as antikomunist, ai është më së shumti kryetar fisi. Ai ka luajtur më shumë si kryetar mafie. Nuk është as politikan, por nuk është as i kulturuar. Berisha na ka krijuar idenë se lexon libra, ashtu siç ka krijuar alibi të tjera.
AFrrok Çupi u shpreh se Partia Demokratike nuk mund të rithemelohet. Sipas tij, patëm një fat të keq që në krye erdhi një prej komunistëve të ashpër, Sali Berisha
“Kam dëgjuar se duhet rithemeluar PD, kjo është tezë ajrore. Kjo nuk ndodh. Që ta bësh këtë do të thotë të heqësh ato themele dhe të veshë disa të tjera. Pas themelimit PD pati disa fatkeqësi që nuk i vuri re për shkak të entuziazmit, fatkeqësia ishte se erdhi duke mbledhur turli lloj njeriu, pavarësisht nga çfarë mendonte.
Aty u futën më së shumti ndoshta njerëzit më të këqij të diktaturës dhe kanë bërë karrierë. Kishim një fat të keq që në krye erdhi një prej komunistëve të ashpër, Sali Berisha, i cili me intuitë apo këshilla krijoi atë si një qen që i ha të gjithë përveç njerëzve të shtëpisë.
Të gjithë kanë falimentuar përballë Berishës, na ka mundur, na ka mundur fare keq. Na ka mundur në sensin që e dinte se çfarë donte. Ne donim demokraci, ai këtë nuk e donte. Berisha nuk është politikan, por nuk është as i kulturuar”, tha Çupi për MCN Tv
