Partizani, skuadra e volejbollit të femrave e drejtuar nga trajneri Roland Tarja bëri një edicion fantastic dhe ia doli të marrë këtë sezon si kupën dhe kampionatin, duke mposhtur në të dy aktivitetet rivalin më të fortë Barleti Voley. Partizani i fitoi të tria ndeshjet finale të “play-off”-it.
Fitore 3-1. Ky ishte rezultati i finales së 3-të të luajtur në “Asllan Rusi” ku ekipi i Roland Tarjas tregoi dhe njëherë se ishte skuadra më e mirë në parket. Pas fitoreve 3-1 dy takimet paraardhëse dhe ndeshja e 3-të e nisi me setin e parë të fituar nga kampionet në fuqi, që triumfuan 25-23.
Me të njëjtin rezultat skuadra e Partizanit u përgjigj në setin e dytë, ndërkohë që në setin e 3-të e pati më të thjeshtë duke fituar 25-19. Seti i fundit nuk pati histori me vajzat e kuqe që triumfuan 25-11 duke rrëmbyer dhe titullin kampion. Një sukses i merituar për ekipin e Tarjas, që në fazën e dytë të sezonit nuk humbi asnjë ndeshje ndërsa 1 muaj më parë kishte fituar dhe Kupën e Shqipërisë. Kthim te titulli kampion pas plot 64 vjetësh, padiskutim një sukses i merituar dhe një rikthim i skuadrës së kuqe në majën e sportit të rrjetës.
