Nga Anri Bala
Pas 33 vjetësh, është hera e parë që një Sekretar Shteti që ka vizituar Shqipërinë, nuk takon asnjë përfaqësues të opozitës. Kêtë e deklaroi dhe Berisha i irrituar në ballkon, duke e quajtur Blinkenin një ushtarë të Ramës dhe antishqiptarë.
Mirëpo Berisha dhe gjithë berishistët, lulistët dhe bardhistët, ose nuk e dinë ose bëjnë sikur nuk e dinë motivin… për SHBA, dy grupimet politike që ndjekin Saliun, kurrësesi nuk do të jenë në axhendën e Amerikës.
Kurse grupi Basha ose grupi i tretë, është po aq i pabesueshëm nga amerikanët, me turbulencat politike të kryetarit, madje në shpalljen e Berishës si non grata me bashkëpuntorët e tij, një nga ata është edhe Lulzim Basha.
Vjedhja e 236 milion dollarëve në Rrugën e Kombit ka një mullar dokumentash në DASH, ose marrja me anë të vjedhjes dhe dhunës të postit të kryetarit të Bashkisë së Tiranës, nuk janë gjëra që fshihen aq lehtë për sytë dhe veshët e xhandarit të demokracisë, SHBA.
Kurse për grupimin Meta-Kryemadhi, as që bëhet fjalë. Bashkëpunimi i hershëm me Berishën dhe dosjet e reja ia kanë prerë biletën si organizatë kriminale, që sipas informacioneve janë kontigjenti i radhës i SPAK.
Pra, si mund të takosh përfaqësues të një lukunie hajdutësh, që nuk gjejnë më kocka dhe fshihen pas opozitarizmit?!
Opozitarizmi nuk është kurvëri politike por detashment dinjitoz, për t’i shërbyer qytetarëve, për të bërë një jetë më dinjitoze, gjë për të cilën çdo parti e ka për detyrë.
T’i shërbesh me paturpsi një hallexhiu si Sali Berisha për hallet e tij, duke bërë beteja qesharake me shtetin, për SHBA nuk quhesh opozitë por “opomut”, që vjen erë së largu dhe nuk mund t’i afrohet askush, që ka pak “sqim” e jo më tu japi dorën! /Ekskulzive.al
