Andi Bushati: As idiotët e dobishëm s’besojnë më tek
Andi Bushati thotë se SPAK-u në zgjedhjet e 11 majit ka qenë një mashë e qeverisë, duke goditur në një farë mënyrë vetëm kundërshtarët e Ramës.
Bushati renditi një seri provash, sipas tij, që tregojnë se si SPAK-u ka anashkaluar hetime të caktuara që lidheshin me krimet zgjedhore.
Ndër të tjera analisti përmendi faktin që Prokuroria e Posaçme vendoi t’i hetonte troplinët pas 11 majit, si treguesin më të mirë të asaj që ka ndodhur.
Supreme Court Rules Against SEC’s Authority to Impose Fines
Keep Watching
“Task Forca e famshme ishte një dështim, për të shkuar paralel me një sensacion publik që këto zgjedhje ishin të pabarabarta, u përdor administrata, u ble dhe manipulua vota. SPAK-u ka goditur në këto zgjedhje në një farë mënyre vetëm kundërshtarët e Ramës.
Nëse ka pasur njerëz, idiotë të dobishëm që deri dje kanë besuar te SPAK-u, pas 11 majit SPAK-u ua hoqi mundësinë edhe këtyre të vazhdojnë e të besojnë te një prokurori e pavarur.
S’është çështje statistike dhe numri. SPAK-u ka prova që krimet zgjedhore i ka çuar në prokuroritë e tjera. Ka prova që vjedhjen e të dhënave personale të 900 mijë qytetarëve nga PS, s’e ka hetuar.
E ka me prova që blerjen e votave në Elbasan, me karta identiteti dhe para të gjetura në makinë, e ka anashkaluar.
E shkuara e SPAK-ut na tregon edhe të tashmen që asnjë krim zgjedhor real nuk hetohet. Ka pasur dhjetëra akuza për Elvis Roshin, vetëm kur Roshi tradhtoi Ramën dhe kaloi me opozitën, atëherë u bë subjekt.
SPAK-u në këto zgjedhje ka qenë një mashë e qeverisë dhe për ata që kishin një iluzion, ky iluzion është shuar.
Më 11 maj s’ka pasur zgjedhje, por ka pasur votime. Deklaratat e Celibashit s’e provojnë atë që them unë, janë shkeljet më të vogla, apo maja e ajsbergut.
Pavarësisht se është një krim i rëndë, përdorimi i administratës është një nga fenomenet më të lehta të zgjedhjeve. Këtu është manipuluar vota.
Fakti që SPAK-u kishte dosjen e Troplinëve dhe vendosi t’i hetojë pas zgjedhjeve, është treguesi më i mirë i asaj që ka ndodhur.
Kur kritikohen zgjedhjet për reformën zgjedhore, është refreni më qesharak që e dëgjoj prej 30 vjetësh. Ne s’e kemi problemin te reforma. Me këtë Kod Zgjedhor që kemi sot kemi prodhuar rotacion. E keqja s’është te formulimi i ligjit, por te shkelja e tij”, tha Bushati për MCN.
