Kandidati për kryetar të Partisë Demokratike, Agron Shehaj, ka hedhur akuza të forta ndaj kryedemokratit Lulzim Basha.
Ai tha se pas takimit të tij me ambasadoren amerikane Yuri Kim, persona me qasje anti-amerikane janë kontraktuar nga PD për ta sulmuar atë.
“Përveç reagimeve të demokratëve për shpalljen “non-grata” të Berishës nga SHBA, ka patur edhe sulme nga individë që kanë filluar të punojnë kohët e fundit në PD dhe kanë qasje anti-amerikane. Janë të kontraktuar. Sulmet që më janë bërë pasi u bë i ditur takimi me ambasadoren amerikane janë të orkestruara”, u shpreh Shehaj.
Pas deklaratës së bërë nga kandidati për kryetar i Partisë Demopkratike, Agron Shehaj, ka reaguar menjëherë Ervin Salianji.
Shehaj tha se është sulmuar pas takimit me ambasadoren amerikane Yuri Kim, siç tha ai, nga antiamerikanë.
“Keqardhje për akuzat e rëndomta e mbi të gjitha të pavërteta të kandidatit Agron Shehaj. Një gjë është e sigurt, që në Partinë Demokratike, nuk ka pasur nuk ka dhe nuk do të ketë asnjëherë vend për asnjë antiamerikan.
Në vendin më proamerikan në botë dhe në partinë më proamerikane, të kërkosh për antiamerikanë dhe të aludosh se ata janë pjesë e partisë ku bën pjesë është ofendim i ulët dhe një dëm që tentojnë t’i bëjnë PD. Një gjë të tillë deri më sot me shpifjen që e karakterizon ka guxuar ta thotë vetëm Edi Rama”, shkruan Salianji, por harron se lideri i partise ku ai është futur si pykë e piste, është shpallur non grata si antiamerikan dhe pritet dhe ushtari që ka promovuar Sali-jaranin të marrë të njënjtën goditje. Mos ka nderruar parti Salianji?!
