Pas qëndrimeve të ish-kryeministrit Sali Berisha mbrëmjen e djeshme ka reaguar ish-nënkryetari i Partisë Demokratike, Astrit Patozi.
Në një postim në Facebook, ai shkruan se nëse vendimi i Ridvan Bodes për t’u larguar nga politika dhe për të parë hallet e veta paska qenë një problem moral.
“Nëqoftëse vendimi i Ridvan Bodes për t’u larguar nga politika dhe për të parë hallet e veta paska një problem moral, unë nuk di se çfarë emri mund të gjendet për pazarin e pistë të Lulzim Bashës me Edi Ramën më 18 maj.
Sepse për të gjitha mund të gjendej një argument, por për marrjen prej tij të atyre drejtorive me lekë, të cilat nuk i lëshonte edhe pasi i humbi si derri zgjedhjet, nuk kam dëgjuar ende dikë që të ketë nxjerrë ndonjë justifikim. Mbase do të dalë nesër, ku i dihet…
Vetëm në Shqipëri mund të ndodhë akoma që, edhe pasi të vrasin me gjakftohtësi, të të kërkojnë llogari se përse nuk u kërkon leje ekzekutorëve se si ta organizosh funeralin”, – shkruan Patozi.
