Për Partinë Demokratike Albert Veliu është cilësuar si një hero këto ditë. Pasi ai u bë pjesë e një skenari për të përgjuar vëllain i Ministrit të Brendshëm, ai doli edhe publikisht dhe tha se ka qenë pjesë e grupit të trafikut të komanduar nga Agron Xhafaj.
Pas këtij shërbimi, PD kam folur me superlativa për “Babalen”, edhe pse ai është një person që njihet si trafikant. Duket se selia blu po përgatit edhe mbrojtjen nëse ndryshe nga sa ajo akuzon, vërtetohet se historia nuk është siç pretendon opozita.
Deputeti Ervin Salianji ka deklaruar në studion e “Real Story” se këta njerëz që janë marrë me trafiqe janë njësoj të gjithë. Edhe pse ai ka pranuar se “Babalja” po i bën shërbim vendit, sërish thekson se është njeri që ka qenë pjesë e trafiqeve dhe është i paqëndrueshëm.
“Audio që kemi publikuar ne padiskutim që ka audio të tjera, ka shpjegime, por prokuroria ka materialin bruto. Kam dëgjuar shumë që duan të godasin në personalitet këtë Albert Veliun.
Ai është si Agron Xhafaj, këta persona kështu janë. Kur krimi i bën kriminelët kryebashkiakë, kur ai është si “Babalja”, ne e shohim ndryshe. Këta njësoj janë të gjithë. Ky në këtë rast ka shërbyer dhe i shërben shoqërisë, por ndërkohë të tjerë i shërbejnë krimit”, deklaroi Salianji.
Ndëkorhë deputetja e PS Elisa Spiropali replikoi me Salianjin teksa tha se gjithçka ëhstë një sajesë. Ajo shkoi më tej kur tha se tashmë PD nuk po i del dot për zot audio-përgjimit.
“Të mbërrijnë deri aty sa të marrin një person nga bota e krimit, të sajojnë një përgjim, e të arrijnë pastaj të mos dalin për zot atij audio-përgjimi. Po del që ëhstë një sajesë e turpshme, për ta nxirë Shiqpërinë. Për të thënë që këtë vendin që doni ta integroni, nuk e meriton”, deklaroi Spiropali.
