Kryetarja e Partisë Socialiste për Integrim, Monika Kryemadhi më kot përpiqet të bëjë diferencën si e dhembshur. Ajo është një ndër ideatoret dhe shkaktaret e rrënimit të moralit politik qeverisës në këtë vend.
“Kemi parë pas 28 vitesh një lëvizje të tillë. Kur i pashë që rrinin në -2 gradë harrova që jam politikane dhe mendova se sa bujar zoti ka qenë me mua dhe me Edi Ramën. Mendova sa bujarë kishte qenë zoti me ministrat dhe oligarkët që marrin paratë. E ndjeva veten time në mëkat që nuk bëj asgjë. Që fëmijët e mi hanin tre vakte dhe flinin ngrohtë dhe ata 140 mijë studentë nuk hanë një vakt dhe duhet të paguajnë ryshfet për të gatuar dhe për të larë rrobat në konvikte.
U ndjeva mëkatare sepse nuk kam bërë asgjë për ta dhe sot duhet të hap gojën dhe të flas. Mendova që pas atij skenari të turpshëm që dha sot në Kuvend, ku kërkon negociata me fëmijë të pangrënë dhe me fëmijë që bëjnë punë për të paguar librat. Kërkon negociatat me fëmijë të pa veshur. Hidhni kartën e anëtarësisë, hidhni poshtë kartën e partisë dhe dilni me studentët. Merrni flamurin kombëtar dhe hidhni flamurin e partisë.
Dilni dhe mbroni fëmijët tuaj , mos kini frikë nga Edi Rama, luftoni për fëmijët tuaj luftoni për të ardhmen e tyre, që nga ky moment i bëj thirrje të gjithëve, mos ndaloni, as para ministrisë, as para Kryeministrisë e kudo, i bëj thirrje dhe të gjithë demokratëve dhe të gjithë sicialistëve të harrojnë kartën e partisë dhe të dalin në shesh.
I bëj thirrje dhe fermerëve që të vijnë të protestëojnë, i bëj thirrje dhe naftëtarëve të cilët ai i talli duke i ndenjur larg nga zyra në zyrë, duke i parë vetëm nga ekrani, se nuk ia jep dorën një naftëtari ai se ndodet, i bëj thirrje të dalin të protestojnë i bëj thirrje dhe drejtoreshave të gjimnazit dhe zyshave që i quajnë fëmijët mashtruesa”, tha Kryemadhi ndër të tjera në një takim me strukturat drejtuese të LSI-së në Tiranë.
Por mos u gënjeni! Kush mendon se Monika Kryemadhi është ndryshe mashtron veten me iluzione.
