Përfaqësuesi i Lartë i Bashkimit Europian, Joseph Borrell foli gjatë konferencës së mbajtur në Tiranë krah kryeministrit shqiptar, Edi Rama se rritja e çmimeve është pasojë e luftës dhe nuk po prek vetëm Shqipërinë, por të gjithë botën.
Ai përmendi faturën e lartë të energjisë që i ka shkuar në shtëpinë në Spanjë që sipas tij përllogaritet në një shifër 10-fish më shumë në krahasim me vitin e kaluar si dhe rritjen e çmimit të naftës në Bruksel.
“Tani dëshiroj t’i kthehemi një çështje të rëndësishme për shqiptarët. E di që keni hasur shqetësime të mëdha dhe në mendjen e qytetarëve është rritja e çmimeve. Lufta ka krijuar ndërprerje të mëdha të ekonomisë botërore. Nuk janë pasoja të sanskioneve por është një proces që ka nisur me rritjen e çmimeve të energjisë, gazit.
Është pasojë e varësisë që kemi ne të gjithë. Tashmë po bëhet më e qartë. Nuk është çështje që ka të bëjë me Rusinë. Është pasojë e luftës.
E ndalimit të eksporteve. Na prekin të gjithëve ne. Unë për shembull po paguaja faturën e energjisë në shtëpi në Spannjë. Ka qenë 50 euro. Tani ka shkuar 500 euro. Çmimet e energjisë janë rritur të paktën 6-fish. Nafta që përdor në Bruksel është më shumë se 2 euro litri.
Më vjen keq të them që do jetë një fenomen që do të ndikojë vendet më të varfëra në botë. Do krijojë valë të mëdha tronditje. Gjëja më e mirë do të jetë të ndihmojmë njëri tjetrin. Së pari ka qenë kriza e eurove. E dyta ka qenë pandemia.
Po të shikojmë kufijtë lindorë të Europës, në Poloni ka një shifër refugjatës duke bërë të bëhet vendi me numrin më të lartë të refugjatëve brenda dy javësh.
Kjo është bërë me qëllim për të shkatërruar Ukrainën. Sa do të jetë kjo shifër nesër. Në rast se fushata e bombardimeve vijon. Mund të qëndrosh për disa kohë pa ngrohje por jo pa ushqim. Ushtria ruse nuk e ka mundur të pushtojë dhe vjen rrotull. Mos harroni filmimet”, deklaroi ai.
