Gazment Bardhi i ka çuar një shkresë Kuvendit, me të cilën njofton se ka shkarkuar nga të gjitha funksionet që kishin në grupin parlamentar, të gjithë deputetet që i përkasin PD zyrtare, edhe pse ata s’kanë asnjë lidhje me Rithemelimin.
Bardhi thotë se ka shkarkuar nënkryetarët që deri tani kanë qenë në detyrë, dhe po ashtu ka kërkuar edhe rikthimin e Sali Berishës në grupin parlamentar.
“Kemi njoftim nga grupi parlamentar i PD. Në kryesinë e grupit parlamentar janë bërë ndryshime. Nënkryetar Ervin Salianji, nënkryetare Albana Vokshi, sekretar Ina Zhupa”, lexoi kryeparlamentarja Lindita Nikolla.
Nderkohe Lindita Nikolla nuk pranoi kërkesën për të futur Berishën në Grupin e PD-së!
Vendimi i saj është kundërshtuar nga deputetët demokratë, pjesë e grupit të ish-kryeministrit, duke e konsideruar si antikushtetues.
Por, Lindita Nikolla nuk është tërhequr nga vendimi i saj dhe deputetët e opozitës i janë drejtuar foltores.
Në sallë janë futur punonjësit e Gardës të cilët janë rreshtuar përpara mimistrave, ndërsa kryeparlamentarja ndërpreu seancën për 5 minuta.
Po ashtu është rrëzuar kërkesa e Gazment Bardhit për mocion me debat për emisionin e RAI 3 për Shqipërinë
