Komiteti teknik i ekspertëve në Shqipëri njoftoi edhe futjen e testeve të shpejta, ndërsa ka vendosur heqjen e ritestimeve për të parë nëse personat janë shëruar apo janë negativizuar.
Gjatë një daljeje për mediat, drejtoresha e studimit epidemiologjik në ISHP, Silva Bino tha se pas 14 ditësh, personat nuk janë më transmetues të sëmundjes.
“Heqja e ritestimeve është bërë pasi ka rezultuar se personat që janë pozitivë nuk e transmetojnë sëmundjen. Këta persona nuk janë më infektues.
Në ditën e 14-të ata mendohen se nuk janë më infektues. Në persona që janë me rrisk, ritestimi do të vendoset në bazë të një protokolli.
Kjo është një barrë që i hiqet sistemit dhe i shtohet depistimit të popullatës për ta mbrojtuar atë”, tha Bino.
