Efektivë të policisë çeke do të vendosen në zonat turistike të vendit ku do të patrullojnë krah kolegëve shqiptarë. Amabsadori çek teksa njoftoi këtë nivel të ri bashkëpunimi, tha se është rezultat i numrit në rritje të çekëve që zgjedhin Shqipërinë për pushime.
Policë çekë do të patrullojnë këtë sezon të ri turistik në krah të kolegëve shqiptarë.
Ambasadori, Jaroslav Ludva, nga Vlora tha se ky nivel i ri bashkëpunimi lidhet me numrin në rritje të çekëve që zgjedhin vendin tonë për pushime.
Zbatimi i projektit do të nisë me tre patrulla, ndërsa vit pas viti synohet të zgjerohet.
Jaroslav Ludva: Do të kemi patrulla së bashku, policia çeke dhe shqiptare. Do të kemi tre vitin që vjen dhe një patrullë duhet të jetë këtu në Vlorë.
Për të sjellë sa më shumë çekë për pushime në Shqipëri, amabasadori Ludva është angazhuar personalisht.
Jaroslav Ludva: Unë dua të kemi më shumë turistë në Shqipëri, këtu në Vlorë, se në Greqi. Do të shkoj pas dy muajsh në Pragë ku do të bashkëpunojmë me Agjencitë turistike për turizmin këtu.
Vitin e kaluar në bregdetin shqiptar patrulluan për herë të parë policë nga Italia, ndërsa prej vitesh ka një bashkëpunim mes agjensive shqiptare dhe atyre kosovare gjate sezonit turistik.
