Prej momentit që ngritën kartonët për aplikimin e reformës në drejtësi s’ka patur qetësi për politikanët shqiptarë. Si rrjedhojë e kësaj ne shohim sot frikë nga ata që votuan kushtetutën e re antikorrupsion, ngaqë janë penduar se po rrezikohen vetë. Me dorën e tyre vulosën fundin.
Kjo situatë ka shqetësuar së tepërmi çiftin Ilir Meta dhe Monika Kryemadhi. Ish sekretari i Ilir Metës, Almir Rrapi teksa ka përfituar statusin e të penduarit është rrëfyer tek organet ligjzbatuese amerikane për të gjitha aferat e drogës së realizuar në Shqipëri me urdhër të Metës dhe në veçanti të bashkëshortes sot kryetare e LSI Monika Kryemadhi. Pasi ka qënë me statusin e transportuesit të lëndëve narkotike të forta, kryesisht kokainë për llogari të çiftit Meta-Kryemadhi.
Nuk është vetëm droga, ku emrat e çiftit dalin zbuluar. Ata kanë grabitur në mënyrë të paligjshme pasuritë e shqiptarëve, afera të ndryshme me kromin dhe guroret, ç’ka kanë sjellë një pasuri marramendëse për çiftin, e cila është e pajustifikueshme.
Të gjitha këto të dhëna që pritet të trondisin politikën mbajnë çdo ditë në ankth Monikën dhe Ilirin. Vetë Monika e pohon me gojën e saj tmerrin e pritjes së plasjes së “bombës” nga momenti në moment.
Ndaj edhe është shprehur se në gjitë këtë ndjenjë të rëndë ndrydhëse, e vetmja gjë që dëshiron është të bie në një gjumë të thellë.
“Kam mall të flej një muaj gjumë. Dua t’i them ndonjë doktori të më bëjë ndonjë ilaç, dhe të flej gjumë për një muaj”, është shprehur Monika.
Fundi është i tmershëm dhe përballja me të vërtetën është e dhimbshme. Kthim prapa nuk ka, ndaj dhe Monika është në çastet që pranon një fund me dhimbje, sesa një dhimbje pafund./Pamfleti
