Gazetari Artan Hoxha ka njoftuar paraditen e sotme se ai vetë dhe televizoni ku punon, janë marrë nën hetim nga Prokuroria e Elbasanit.
Gazetari sqaroi se vendimi i Prokurorisë për gazetarin dhe televizonin ku ai punon lidhet me vrasjen e Everest Cakës në 11 maj 2021.
Nga studio e Abc news, Hoxha tha se edhe pamjet ku ai ka treguar disa detaje dhe një foto të autorit të dyshuar të vrasjes së Everest Cakës po në Elbasan, janë sekuestruar.
“Jemi nën hetim për zbulim të akteve të dhënave sekrete. Kane ardhur në televizionin tonë dhe kane sekuestruar pamjet. A janë zbuluar autorët e asaj ngjarje? Jo”,- është shprehur ndër të tjera gazetari Artan Hoxha.
Gjithashtu ai shtoi se “Në momentin që publikon pamje të autorit, në fakt ai del nga qarkullimi. Vrasësit me pagesë këtë punë e kanë biznes. Vrasin për para. Kur u publikohet imazhi, dalin nga qarkullimi. Nëse nuk publikohet imazhi, janë ende vrasës potencial.”
Gazetari dhe televizioni Abc News akuzohen për nxjerrje të sekretit hetimor, sipas asaj që pohoi vetë Hoxha.
