Nga Ardit Bido
Janë lëshuar të gjithë. Kastat te ligji! Politika te financat! Zhurmuesit te zhurma! Rrëzoni ju ligiin, ta bëjmë ne! Si mo? Me të njëjtat parime sa janë bërë gjithë këto ligje? Të bëhet ligji i radhës pa parime, por kundër interesave që bën ligjin e kaluar e pro interesave të atyre që do bëjnë ligjin e ri? Jo dhe jo!
Shporrje kastave, vetting akademik, debat intelektual mbi financimin e shtresave në nevojë. Pastaj, kur të ndajmë parimet, flasim për ligjin!
Koorporativizmi dhe etatizmi janë i njëjti rrezik. Studentët kanë më shumë rrezik të kapen nga fytyra e qengjit që ujqrit e vjetër të arsimit kanë, sesa nga politika. Ndaj, i mëshoj asaj që do harrohet sapo të pushojë protesta: Vetting Akademik pa gjueti shtrigash.
Dëgjoj kolegë që thonë: doktoraturat janë online e në bibliotekë! Jo mo jo?! Ky është kontrolli i plagjaturës?
Dëgjoj shefa departamentesh e dekanë e rektorë që qahen për lekë. Jo mo jo?! Unë i kam dhënë këto doktoratura? Unë i kam mbajtur pedagogët që nuk shkojnë në mësim? Unë i kam mbajtur pedagogët e korruptuar?
Dëgjoj profanë që thonë më shumë përqindje vote studentëve e më shumë në senate. Jo mo jo?! Të bëhet edhe më politike se sot zgjedhja e drejtuesve? Të zëvendësohet kasta e lidhur me politikën me politikë që do prodhojë kastën e re?
Pse xhanëm e harroni pikën 8 të kërkesave? Pse i shmangeni si djalli temjanit review-s së pedagogëve nga studentët?
Hapni gojën sot!
