Presidenti i Federatës Shqiptare të Futbollit, Armando Duka, doli ditën e djeshme në një konferencë për shtyp ku më shumë ngjante si drejtori teknik i ekipeve kombëtare, se sa pozicioni që ka për detyrë të ushtrojë.
Ai foli për mbylljen e eleminatoreve të kampionatit Botëror duke rikonfirmuar trajnerin Edi Reja në stol me arsyen e vetme se ai edhe pse në një moshë të madhe, Dukës i duket si një 40- vjeçar.
Kjo ishte sipas tij arsyeja pse Reja duhet të qëndrojë, pavarsisht se ai deri më tani nuk ka shënjuar asnjë sukses, madje ka krijuar një përçarje në ekipin kombëtar, sidomos me lojtarin më të mirë të momentit që ne kemi, Armando Brojën.
Ky i fundit që i ka dhënë pikët deçisive skuadrës në dy sfidat kundër Hungarisë, në mënyrë të dyshimtë dhe të pakuptimtë nuk aktivizohet nga trajneri Edi Reja.
Ditën e djeshme në mënyrë të turpshme Armando Broja u sulmua dhe nga kreu i FSHF-së ku i kërkoi familjes së tij që ta edukonte. Kjo tregon se si meritokracia në kombëtaren shqiptare nuk funksion aspak, por shërben për qoka.
Megjithë dështimet e Rejës, i pyetur nga gazetarët për vendosjen e një trajneri shqiptar në krye të stolit kuqezi, Armando Duka u shpreh se ‘‘E kam menduar disa herë që mund ta bëjë një trajner shqiptar. E rëndësishme është që trajneri të bëjë detyrën e tij pavarësisht pasaportës që ka’’, tha ai.
Një frazë që Duka e përdor gjithnjë vetëm për propagandë pasi ai është i vetmi president futbolli që kurrë nuk ka promovuar një trajner shqiptar. Një president që kurrë nuk ka bashkëpunuar me një trajner shqiptar.
Është ndër të vetmit president futbolli që asnjëherë nuk e ka pasur si qëllim që në krye të stolit të kombëtares të vendosë një teknik shqiptar, edhe pse Shqipërinë ai ja ka besuar së drejtuar lloj lloj amatori dhe dështaku që i sillte me bujë e më pas rezultonin skarco.
Dhe për gjithë dështimet e trajnerëve të huaj që ai ka sjellë në Shqipëri, Duka është i vetmi person që nuk e ka mbajur asnjëherë përgjegjsi dhe pse duhet të ishte ai që duhej shkarkuar për gjithë ato dështak që i sillte në krye të përfaqësues shqiptare.
Ndaj dhe deklaratat e tij që gjithnjë mendon për të sjellë një trajner me orgjinë shqiptare për të drejtuar Shqipërinë janë thjesht një hipokrizi.
Ai është i gatshëm ta drejtojë vetë Shqipërinë, se mëgjithë këto vite që sundon futbollin shqiptar do i ketë mësuar dy-tre gjëra. Por që t’ia besojë Shqipërinë një tekniku shqiptar shanset thuajse nuk ekzitojnë, por është i gatshëm të pranojë çdo dështak nëpër Europë ta caktojë në krye të përfaqësues. (TemA)
