Trazirat mes Palestinës dhe Izraelit kanë pushtuar faqet e para të mediave dhe të shumtë kanë qenë personazhet publikë të cilët kanë reaguar në rrjete sociale për ndërgjegjësimin ndaj ‘luftës’, apo për palën të cilën ata mbështesin.
Si rrallë herë, një reagim ka ardhur edhe nga Kylie Jenner e cila publikoi një fotografi të flamurit izraelit në rrjetet sociale dhe e fshiu atë pasi mori shumë reagime.
“Tani dhe gjithmonë ne qëndrojmë me popullin e Izraelit. Shpërndajeni nëse e mbështesni popullin izraelit që po përballet me një nga situatat më të tmerrshme”, thuhet përshkrimin e fotografisë së saj.
Pas një ore ajo e fshiu foton nga Instagrami dhe reagimet sigurisht kanë vazhduar të shpërndahen në Tëitter dhe rrjete të tjera sociale.
“Ju lutemi të gjithë ta raportoni Kylie”, “Ajo nuk e ka idenë se çfarë po ndodh mes Izraelit dhe Palestinës”, “Ajo në fakt bëri gjënë më të keqe duke fshirë foton. Kjo tregon se nuk i intereson shumë askujt dhe e bëri këtë vetëm për të nxisin reagime”, janë disa nga komentet.
Ata gjithashtu e kritikuan atë për “lëndimin” e shoqes së saj, modeles Bella Hadid, e cila është me origjinë palestineze.
“Është e mahnitshme për mua që ajo mbështet Izraelin pavarësisht se shoqja e saj më e mirë është palestineze”, “A e dëgjojnë njëri-tjetrin të famshmit? Për shembull, kur Bella flet për Palestinën, a e kupton Kylie çfarë thotë?”, ishin disa prej komenteve më të spikatura nga fansat.
