Shtëpia e Bardhë ka konfirmuar se Presidenti i Rusisë, Vladimir Putin, dhe Presidenti i SHBA-ve, Donald Trump, do të zhvillojnë një takim në Anchorage, Alaska, më 15 gusht.
Anchorage është qyteti më i madh i Alaskës, i vendosur në jug-qendër të shtetit, në brigjet e Cook Inlet.
Më herët, Administrata Federale e Aviacionit (FAA) njoftoi se hapësira ajrore mbi Anchorage do të mbyllet në ditën e samitit.
Sipas raporteve, avioni i Putinit pritet të udhëtojë drejt Alaskës përmes Ngushticës së Beringut, duke hyrë drejtpërdrejt në hapësirën ajrore amerikane nga ajo ruse, pa kaluar mbi ujërat ndërkombëtare.
Ky do të jetë takimi i parë ballë për ballë mes Putinit dhe Trumpit që nga rikthimi i Trump në presidencë dhe vjen në një moment me vëmendje të lartë globale mbi marrëdhëniet SHBA–Rusi.
