Një deklaratë e analistit Shpëtim Nazarko në studion e emisionit Repolitix ka ngacmuar deputetin e opozitës së re të dalë nga listat e Partisë Demokratike. Ai tha se Basha do kërkojë të falë deputetët që u futën në Kuvend pas djegies së mandateve, pasi janë ata që e kanë shpëtuar.
Zeneli ka deklaruar se misioni i deputetëve që u futën në Kuvend ishte Reforma Zgjedhore, por megjithatë nuk e mohoi pranimin e kësaj oferte.
Nazarko: Unë mendoj se sulltani do bëjë një amnisti gjenerale. Një pjesë e juaja do të futet prapë, sepse Basha e ka të qartë se nuk ka arsye pse t’iu shpallë tradhtarë ju, sepse ju jeni shpëtimi tij. Ju i keni bërë nder të madh Shqipërisë.
Zeneli: Unë kam hyrë në parlament me atë që tha Nazarko, për t’i bërë një shërbim vendit. Aksioni jonë opozitar lidhet vetëm me Reformën Zgjedhore.
