Buxheti i vitit të ardhshëm do të vijojë financimin e shtesave në pagat e administratës publike në vlerën 11 miliardë lekë apo 110 milionë euro.
Rritja do të prekë kategoritë e mësuesve në arsimin parauniversitar, mjekëve të përgjithshëm dhe infermierëve, punonjësve të tjerë shëndetësorë, policët, ushtarakët dhe nivele zbatuese në administratën qëndrore dhe vendore.
Në sistemet spitalore, përveç mjekëve specializantë, pritej që kategoritë e tjera të merrnin rritjen e pagës në dhjetor, por kjo nuk do të ndodhë. Rritja për ta do të fillojë nga prilli deri në korrik të vitit të ardhshëm.
Kështu edhe për mësuesit e 9-vjeçareve pagat pritet të arrijnë 95,550 lekë te reja. Për mësuesit e gjimnazit shkon në 106,800 lekë te reja, për mjekët e përgjithshëm në 131,672 lekë te reja dhe për infermierët në 87,118 lekë te reja.
Për gradën inspektor i parë në polici pagat pritet të shkojnë në 97 500 lekë. Për ushtarët grada e parë, e nëntetarit do të arrijë 960 euro.
Në udhëzimin e administratës publike shprehet se reforma totale të pagave do të mbarojë në dhjetorin e 2025-ës, për rritjen e pagës mesatare në 900 euro.
