Teksa i ka quajtur përgjimet e publikuara nga gazeta gjermane “Bild’ si të neveritshme, Rama ka deklaruar se deri më tani PS nuk ka marrë askënd në mbrojtje.
Ai tha se kryebashkiakut Vangjush Dako po i bëhet një gjyq popullor, pa prova e pa hetime, teksa tha se vetëm drejtësia do ta vendos nëse është fajtor apo jo.
“Përgjimet e neveritshme, se askush nuk mund të çohet dhe të thotë që ne kemi hapur gojën apo për të çuar dorën për të penguar drejtësinë.
Nuk na ka parë askush për të marrë në mbrojtje këdo qoftë që duhet të dalë para drejtësisë, ajo do e vendos kush është i fajshëm apo i pafajshëm.
Drejtorin e Tatimeve e kishin të dënuar dhe e çonin përditë si të pafajshëm deri në vendimin e formës së prerë.
Ne e kemi bërë të qartë ndarjen, drejtësia ka punën e vetë dhe prandaj jemi e vetmja forcë për të çuar deri në fund atë reformë në drejtësi.
Ata duan që të bëjnë gjyqe popullore, pa prova, pa hetime pa asgjë”, tha Rama.
