Kryeministri Edi Rama dhe ministri i Mbrojtjes, Pirro Vengu kanë marrë pjesë ditën e sotme në një takim në Zall Herr, ku është inspektuar reparti i operacioneve speciale.
Rama theksoi se gjatë qeverisjes së tij janë 10-fishuar investimet në fushën e mbrojtjes. Ai gjithashtu bëri një pasqyrim sesi ishte gjendja kur mori ai detyrën teksa theksoi se FA mbështeteshin me 28 milion euro investime. Ai më u shpreh se numri i vajzave në Forcat e Armatosura është rritur në 20 përqind.
Kryeministri shtoi se paga e pjesëtarëve të Forcave të Armatosura do të jetë në nivelin e mesatares së rrogave të vendeve të NATO-s, si një pjesë e përpjekjeve për të rritur motivimin dhe standardet e ushtrisë shqiptare.
Ai u shpreh se objektiv i qeverisë është që të bëjë Shqipërinë vend eksportues të prodhimeve ushtarake brenda kësaj dekade. Rama u bëri thirrje të rinjve që ndodhen jashtë shtetit të kthehen për të kontribuar në fushën e mbrojtjes, sepse sipas tij pagat do të jenë dinjitoze.
Kryeministri nuk nguroi të shkëmbente batuata me të pranishmit të cilëve u qau hallin që në ditë të shtunë janë mbledhur për të dëgjuar atë. Ai më tej vijoi më batutat duke u thënë se duhet të ndihen mirë që akoma nuk u ka dalë në frigorifer pasi në televizor ndodh rregullisht.
“Ndjesë që në një ditë të shtunë, megjithë se ju s’keni të shtunë e të diele. Gjithsesi në një ditë të shtunë ishit të detyruar të dëgjonit fjalimin tim gjë që nuk e keni për herë të parë jam i sigurt dhe gjë që ju ndodh rregullisht kur hapni televizorin. Për sa kohë nuk kam dalë akoma në frigorifer ndihuni mire, se të paktën kur hapni frigoriferin nuk ju dal unë aty”, tha Rama.
