Ish-kryeministri Berisha i cili njihet për të pavërtetat që publikon në Facebook-un e tij, ka publikuar ditën e sotme një video ku Edi Rama merr një gradë nga një patriark fetar. Berisha thotë se ajo ceremoni ka ndodhur në Athinë dhe se Edi Rama po përpiqet ta fshehë atë.
Mirëpo, Berishën e ka nxjerrë blof Drejtori i Komunikimit të Këshillit të Ministrave, Endri Fuga, i cili ka sqaruar të vërtetën e asaj ceremonie ku edhe ai vetë ka qenë pjesë e delegacionit.
Duke kujtuar që për pak ditë kryeministri Izraelit viziton Tiranën, Endri Fuga shkruan se ceremonia që përmend Berisha ”është mbajtur në dhjetor 2015 në Shtetin e Izraelit. Dhe siç e duan doket e mira protokollare, por edhe veçoria e një vendi si Shqipëria që dallohet për bashkëvëllazërinë fetare, delegacioni shqiptar në atë kohë, vizitoi vendet e shenjta në Jeruzalem dhe i bëri respektet krerëve të komuniteteve fetare ku më i moçmi ndër të cilët është ai ortodoks nën udhëheqjen e Patriarkut të Jeruzalemit, Fatlumërisë së Tij, Teofili III. , thekson Fuga.
Më tej ai sqaron se “Siç ndodh me të gjithë krerët e shteteve apo qeverive në vizitë protokollare në Patriarkatin e Jeruzalemit, Fatlumëria e Tij i akordoi kryeministrit Rama gradën më të lartë të urdhërit patriarkal të varrit të Shenjtë të Jeruzalemit, atë të kordonit të madh. Fuga shton edhe një detaj tjetër që mesa duket Saliu e ka ‘harruar’. Ai shprehet se kjo ceremoni është pasqyruar gjerësisht në media.”
Në fund të reagimit të tij ku rinxjerr blof doktorin, Endri Fuga shprehet me ironi se “Atë ditë Saliu ka qenë me afër gjeografikisht me Athinën sesa delegacioni shqiptar, ndërkohë që distanca e tij më të vërtetën thellohet përditë si shpreehja kuptimplotë e një dëshpërimi të marrë në qenien e një dhespoti të stërplakur.”/Lexo.al
POSTIMI I BERISHËS
