Kryeministri Edi Rama deklaroi se opozita kërkon të marrë pushtetin në tavolinë, pasi sipas tij ata nuk fitojnë dot në zgjedhje.
Duke folur në Kuvend Rama ironizoi opozitën duke thënë se “ata kërkojnë të prishin rregullat e lojës, djegim mandatet dhe thonë anulim loje”.
“Çfarë do ndodhë me ata që janë jashtë është një pyetje që zgjedhësit e tyre duhet tua bëjnë. Ne jemi këtu për të vazhduar detyrën tonë.
Mandati ynë nuk është një letër bixhozi, siç luajnë ata… pas të cilëve qëndrojnë grupe interesash që janë mundur në betejën tonë për të bërë shtetet.
Nuk është e rastit që një i humbur i madh në bixhoz duke iu qëndruar në krah liderit të opozitës, nuk është e rastit që një drejtor i lojërave të fatit, ishte dhe është atje, jo vetëm si protestues por dhe si menaxher, por në fund të ditës është zgjedhje e tyre dhe ajo çka duhet thënë është se lëvizja e tyre nuk i bën dot asgjë PS, dhe qeverisë.
Nëse ka një zonë që nuk preket nga tymrat dhe gjithë këto përpjekje destruktive, është kjo zonë.. zona e politikës ku jemi shumicë.Gjithçka tjetër preket, preket Shqipëria.
E tha mirë Saimir Pirgu që më duhen 200 koncerte për të hequr imazhin e gomës së djegur.
Çfarë duan këta, këta i bien vetes dhe kujtdo që u shkon pas berihajit, pushtet në tavolinë, përmbysje të rregullave. Kjo nuk bëhet, ateherë çfarë mbetet?
Mbetet që ne të vazhdojmë detyrën tonë për qytetaret”– tha Rama.
