“Me gojën plot dhe kokën ulur, u kërkoj falje të gjithë shqiptarëve që janë torturuar nga Kadastra”-ishte kjo deklarata e kryeministrit Rama teksa njoftoi se më 3 korrik mbyllen të gjitha sportelet e këtij institucioni.
Teksa prezantoi reformën në Kadastër, Rama bëri përgjegjës qeverinë, ministrat, deputetët dhe kryebashkiakët për pengimin e transformimit të Kadastrës, duke e kthyer atë siç tha ai “në një fole qokash”.
“Arsyeja pse dëshirova ta bëjmë këtë takim të hapur duke ftuar ministra deputet kryetarë bashkish, është për të thënë disa të vërteta të rëndësishme të cilat janë të vërtetat e shumë njerëzve që megjithë këtë periudhë, edhe pse kemi bërë shumë përpjekje, për të ndryshuar sistemin e pronësisë, kanë hasur me situata dhe procese absurde, deri në dhimbje.
E vërteta e parë është se ne nuk kemi arritur edhe pse e kemi pasur një kohë të gjatë në dispozicion, që ta transformojmë Kadastrën në atë që ajo është në të vërtetë. Kadastra është banka, si banka qendrore, është bankë e nivelit të dytë ku mbahen kursimet e qytetarëve dhe ku garantohet ndërveprimet e tyre. Si çdo bankë, Kadastra nuk është fole për qoka, për gjithë farë lloj njerëzish që nuk kanë asnjë lidhje me atë punë.
Kadastra është penguar në mënyrë të vazhdueshme nga ju, këtu nuk kam parasysh secilin prej jush, por kategorinë që përfaqëson, deputetë, ministra, kryetar bashkiakë. Për të vazhduar më tutje, të gjithë ata që kanë sadopak pushtet që i kanë vënë vetes të drejtën të interferojnë me Kadastrën, që nga influenca për punonjës deri në imponim, të influenca për mbështetje për njërin e tjetrin deri në imponim.
Duke e penguar Kadastën të bëhet ajo që duhet të jetë, banka e sigurtë e pronës së patundshme të pronës shqiptare. Kjo është e vërteta e hidhur. E shkuara e tmerrshme në kuptimin e plotë të fjalës me harta të konsumuara nga palosjet me tituj pronësie të lëvzishme sipas interesave e me mbivendosje pronash nga papërgjegjshmëria e plotë që është karakteristika nr 1 e personave që futen në një mision, që edhe kur duan ta bëjnë punën janë injorantë, ka bërë që ne të trashëgojmë situatë katastrofale. Më katastrofale në Europë.
Sot ne jemi në kushtet që nuk mund të themi që kemi arritur atë që duhet, përkundrazi kemi parë të ndodhin çudira mbas çudirash me pronat shqiptare padiskutim që aktori kryesor i gjithë kësaj historie të zymtë është korrupsioni, paraja, por ajo shprehja kur gjenerali shkuli një mollë, ushtarët marrin pemën,
Për shkak se influenca e politikanëve ka qenë shumë e pranishme atëherë të tjerët kanë bërë një mijë fishin e asaj që kanë qenë të detyruar nga lidhjet miqësore, familjare, klanore, nga të gjithfarë llojshme.
Unë dua ta them me gojën plotë dhe kokën ulur se sot është dita për ti kërkuar ndjesë në emër të PS të gjithë shqiptarëve që kanë kaluar në zinxhirin e torturave në Kadastër.
Kjo ndjesë është e kryetarit të një partie fajtore, natyrisht nuk është e gjithë partia, por udhëheqja e partisë në radhë të parë që ka dhënë shembullin më të shëmtuar për gjithë të tjerët qe u ka thënë të tjerë që është hanë me 7 porta ku porta kryesore futën udhëheqësit pastaj nga portat e tjera futen të gjitha llojet e tjera.”-tha Rama.
