Atletja Luiza Gega është renditur e pesta në kampionatin evropian të atletikës të zhvilluar në Romë.
Garën e 3000 metrave me pengesa shqiptarja e mbylli në kohën 9 minuta 22 sekonda dhe 92 të qintat, ndërsa vendi i parë u arrit nga francezja Finot me kohën 9.16 sekonda dhe 22 të qintat.
Gega ishte kampionia e Evropës në fuqi, por nuk ka arritur të ruaja këtë status.
Pavarësisht se Gega u rendit e pesta në kampionatin europian, ajo vijon të mbajë rekordin europian të vendosur dy vite më parë në Berlin kur doli kampione me 9 minuta, 11 sekonda e 31 të qintat.
Tashmë pritet të shikohet performanca e Luiza Gegës në Lojërat Olimpike të Parisit të cilat do të mbahen në muajin korrik.
