Teksa Edi Rama bën sehir, në OSHEE vijojnë përgatitjet nga dy banda krimianle për t’u përleshur, për kontrollin OSHEE dhe rrjedhimisht përfitimeve që vijnë nga aferat korruptive në këtë drejtori të majme, ikonë korrupsioni dhe dallaveresh.
Disa ditë më parë, administratori i OSHEE Ardian Çela është dhunuar me grushte dhe sende të forta në parkingun e qendrës tregtare “Cassa Italia” në Tiranë.
Dhunimi i Çelës erdhi pasi refuzoi presionin e një grupi tjetër kriminal për të dhënë dorëheqjen dhe pas përplasjes mes dy bandave në ambientet e OSHEE.
Prapaskena mëson se para rrahjes së Çelës, dy grupe të armatosur janë përplasur verbalisht në ambintet e OSHEE për shkak të mosmarrëveshjeve në pazare me tendera.
Grupet janë ndarë pa hapur zjarr, por duke paralajmëruar njëri-tjetrin për pasoja reciproke.
Disa ditë më pas është rrahur Çela, i cili në fakt është dubluar nga një personazh tjetër në funksionet e tij, nga banda rivale.
Ashtu si një botën e mafies, Çela nuk ka bërë denoncim në polici, por ka zgjedhur që hesapet të lahen privatisht.
Pas rrahjes, administratori i OSHEE Ardian Çela, i mbështetur nga nyja e zezë e korrupsionit dhe ‘çunave problematikë’ Damian Gjiknuri, ka mbledhur dhe mobilizuar një grup me gangsterë, për të mbrojtur postin dhe aferat korruptive në OSHEE.
Në mjediset e OSHEE dhe vendet që frekuentohen nga Çela, tashmë patrullojnë ‘çunat problematikë’ të atmatosur.
Nga ana tjetër, Ardian Çela ka paracaktuar fituesin e tenderit me objekt mirëmbajtje e infrastrukturës të Data Center në Primary Site dhe DR Site, me vlerë 1.4 milionë USD, ku pritet të ndahen të paktën 400 mijë USD.
