Ilir Meta dhe Monika Kryemadhi janë prova më e madhe për Byronë Kombëtare të Hetimit, Prokurorinë e Posaçme dhe Gjykatat Speciale. Ata kanë një pasuri të deklaruar me vlerë mbi 10 milionë euro (pasi pasuria e fshehur mendohet se ka vlerën e një buxheti shteti), ndërkohë që si të ardhura të ligjshme kanë vetëm dy rroga shteti.
Herë pas herë, Meta dhe Monika janë shprehur rreth burimit të pasurisë së tyre. Çifti këmbëngul se pasuria e tyre është më djersën e ballit.
Ata kanë pohuar se pasuria e tyre është verifikuar nga drejtësia që nga viti 1996. Gjatë një rrëfimi, kohë më parë, Monika Kryemadhi ka deklaruar se “Ne jemi hetuar që nga viti 1996. Nuk është hetuar vetëm Ilir Meta, por familja e tij, unë, familja ime. Nuk bëhemi peng i askujt, jemi vetëm peng të shqiptarëve”.
Nëntë vjet më parë, Ilir Meta, iu drejtua zyrtarisht ILDKPKI që të verifikonte vilën e tij në Gjirin e Lalzit. Ai tha se ftonte edhe Ramën në vilë, për t’i dhënë një ngjalë. “Unë i ftoj t’i drejtohen zyrtarisht ILDKP, Prokurorisë, Interpolit të ndjekin të gjitha rrugët zyrtare ndërsa për këtë Gjirin e Lalzit unë e pres në çdo kohë Edin atje dhe ai në çdo kohë do ta gjejë një ngjalë të freskët sepse ju e dini që unë jam bujar dhe zemrën e kam të gjerë.
Unë nuk kam asnjë gjë personale me të. Ai nuk më ftoi në dasmë, por ju e dini që unë i çova buqetën më të madhe dhe më të bukur me lule. Dhe këtë mund ta konfirmojë edhe kushëriri i Fidelit që është dhe kushëriri im, i cili ia dorëzoi solemnisht. Kështu që nuk kam asgjë personale, absolutisht. Pasuria ime e vetme është karakteri im dhe fjala ime. Të tjerat i vendos drejtësia”.
Po kush e drejtonte në atë kohë ILDKP, të cilit Meta iu drejtua që t’i verifikonte pasurinë? ILDKP e drejtonte Adriatik Llalla, ushtari më besnik i Metës dhe Berishës, sot i shpallur non ngrata nga Shtetet e Bashkuara të Amerikës, nën hetim nga Krimet e Rënda dhe me pasuri të ngrirë.
Pasi u mbrojti pasuritë me para të pista kur ishte në krye të ILDKPKI, Meta dhe Berisha e bënë Llallën kryeprokuror. Edhe në këtë post tregoi besnikëri, por u rrëzua nga amerikanët, të cilët kanë futur në listën e zezë të njerëzve që nuk duhet të shkelin në tokën amerikane./Pamfleti
