Një ndër çështjet më të forta që shpërtheu para këtij Botërori, ishte ajo në Kombëtaren e Gjermanisë. Dy turko-gjermanët, Ilkay Gundogan dhe Mesut Ozil, pozuan me presidentin Rexhep Tayp Erdogan dhe i dhuruan dy fanella. Tifozët e Gjermanisë nuk e kapërdinë dot këtë fakt dhe vërshëllyen shumë lojtarët.
Ilkay Gundogan tregon përjetimin e tij në lidhje me kundërshtimet në një intervistë për “France Football”.
“Disa reagime më kanë lënduar, duke përfshirë disa sulme personale. Në vitet e fundit ne jemi munduar të promovojmë integrimin në Gjermani.
Jo vetëm që jemi pjesërisht turq për shkak të origjinës së prindërve tanë, por ne kemi lindur në Gelsenkirchen. Është një qytet me një përqindje të lartë emigrantësh.
Prandaj isha shumë i befasuar kur dëgjova se mesa duket nuk kishim integritetin e duhur dhe se nuk donim të jetonim me vlerat gjermane.
Ishte një eksperiencë e vështirë. Jemi mësuar me vërshëllimat e tifozëve kundërshtarë, por kur të fërshëllejnë tifozët e tu, është e vështirë të jetosh me këtë fakt”,- përfundoi ai.
