Vajza e të ndjerit Azem Hajdari, Rudina Hajdari, është vënë prej disa javësh në qendër të vëmendjes, për shkak të vendimit të saj për të mos djegur mandatin e deputetes.
Deputetja demokrate ndodhet e dyzuar dhe mes dy zjarresh, se çfarë rruge duhet të ndjekë, teksa i duhet të marrë një vendim.
E gjithë vëmendje ndodhet tek ajo dhe pritet të vendimi i saj, nëse do të ndjekë Sali Berishën, për të cilin ka dyshime dhe akuza se është vrasësi i vërtetë i Azem Hajdarit, apo do të shkojë pas ndërkombëtarëve.
Ditën e djeshme, më 8 mars, Rudina është shfaqur në krah të ambasadorit të Bashkimit Evropian në Tiranë, Luigi Soreca, duke lënë të kuptuar se vendimi i saj është pro BE dhe SHBA. Edhe në një reagim të sajin, deputetja ka sqaruar se është duke u konsultuar me ndërkombëtarët lidhur me vendimint për të djegur ose jo mandatin.
Nga ana tjetër, presioni nga demokratët, me në krye Sali Berishën, është i jashtëzakonshëm, që ajo të dorëzojë mandatin, me prentedimin se duhet të përfaqësojë një vlerë si vajza e heroit të demokracisë.
Ende nuk ka asnjë lëvizje konkrete nga Rudina Hajdari, e cila siç duket e ka shumë të vështirë të vendosë se cilën rrugë duhet të ndjekë. Të shkojë pas BE-së, apo t’i bashkohet planit destabilizues të “vrasësit” të babait, Sali Berishës.
Kjo është një zgjedhje e vështirë, por Rudina Hajdari duhet të vendosë, ajo duhet të përfaqësojë vërtet një vlerë dhe këtë mund ta bëjë vetëm duke qëndruar në Kuvend, duke ngritur zërin për shqiptarët prej aty ku merren të gjitha vendimet në kurriz të tyre. Është koha, që Rudina të kthehet në një vlerë, në një opozitë të vërtetë, në zërin e popullit shqiptar.
