Të tjera detaje dalin lidhur me atentatit që ndodhi mbrëmë në zonë e ish-Bllokut në kryeqytet ku humbi jetën 26 vjeçari Rigers Gaxha, truprojë e Ervis Martinajt dhe u plagos ky i fundit dhe Laert Hasa.
Tashmë është bërë e ditur se viktima ishte në kërkim nga policia për një vrasje të mbetur në tentativë. Ndërkohë sipas gazetarit Flamur vezaj hetimi vështirësohet më shumë se në sallën Vip ku ndodhi ngjarja nuk ka kamera sigurie. Gazetari shton më tej se lokali ku ndodhi ngjarja mbrëmë frekuentohet nga politikanë.
Mungesa e kamerave dhe hyrja e të gjithë efektiveve të policisë pa kriter e kontroll brenda lokalit duke prishur edhe provat e mundshme, kanë vështirësuar zbardhjen e identitetit të personave që qëlluan mbi “bandën” e Ervis Martinajt!
Shkëmbimi i zjarrit ka ndodhur ne “dhomen” VIP të lokalit pranë parfumerise, ku të dëmtuar janë vetëm krahu i Martinajt!
