Presidentja e Komisionit Europian, Ursula Von der Leyen, ka ndarë një foto nga darka informale në Tiranë mes liderëve të BE-së dhe Ballkanit Perëndimor, të organizuar nga kryeministri Edi Rama në kuadër të samitit të Komunitetit Politik Europian që do të mbahet nesër në kryeqytet.
“Në Tiranë për takimin e Komunitetit Politik Evropian. Është i pari që mbahet në Ballkanin Perëndimor. Çfarë simboli i fuqishëm. Familja jonë evropiane e vlerave shtrihet përtej kufijve të Bashkimit Evropian. Ne ndajmë një kontinent. Dhe një të ardhme të përbashkët”,- shkruan Von der Leyen në rrjetet sociale.
Nesër kryeministri Rama do ta nisë ditën me disa takime që do t’i paraprijnë samitit të Komunitetit politik Evropian. Parashikohet që ai të ketë bisedime me Sekretarin e Përgjithshëm të NATO-s Mark Rutte, e më pas me homologun spanjoll Pedro Sanchez. Në total, gjatë ditës, Rama do të ketë 10 takime dypalëshe me homologë të ndryshëm evropianë, përfshirë kryeministren italiane Giorgia Meloni, presidenten e Komisionit Evropian Ursula von der Leyen dhe presidentin turk Rexhep Erdogan. Nuk do të mungojnë as takimet bilaterale mes udhëheqësve të vendeve të ndryshme.
Samiti i nis punimet paradite nën drejtimin e kryeministrit EdI Rama dhe presidentit të Këshillit Evropian, Antonio Costa. Agjenda parashikon 3 tryeza të rrumbullakëta me fokus në rritjen e konkurrencës dhe sigurisë evropiane përmes inovacionit dhe qëndrueshmërisë. Po ashtu do të zhvillojnë punimet edhe dy seanca plenare.
E shtuna e 17 majit, do të jetënjë ditë e ngarkuar me dy vizita të tjera zyrtare, atë të presidentes së Moldavisë, Maja Sandu dhe më pas atë të presidentit francez Emnanuel Macron. Ky i fundit, në vizitën e tij të dytë zyrtare në Tiranë, brenda një viti e gjysëm, do të shoqërohet këtë herë dhe nga bashkëshortja.
Ursula Von der Leyen
In Tirana for the meeting of the European Political Community. It is the first one in the Western Balkans. What a powerful symbol. Our European family of values extends well beyond the border of the European Union. We share a continent. And a common future.
