Sot në “Etihad Stadium” të Mançesterit luhet kryendeshja e javës së 21-të në Premier Ligën angleze, por edhe ajo që pritet të vendosë shumë në lidhje me fatet e titullit në Angli.
Mançester Siti i vendit të tretë, pret në shtëpi Liverpulin e vendit të parë, me synimin për të ndalur ecurinë fantastike të ekipit të Klop, dhe të ngushtojë diferencën prej 7 pikësh të dy ekipeve në klasifikim.
Guardiola dhe të besuarit e tij, kanë lëshuar shumë pikë në javët e fundit, teksa në 5 ndeshje e fundit, kanë pësuar 3 humbje, dhe kanë marrë vetëm 2 fitore, ndërsa nga ana tjetër, Liverpuli mbetet ende ekipi i pamposhtur në Angli, me 17 fitore dhe vetëm 3 barazime.
Formacionet:
Mançester Siti: Ederson, Danilo, Stouns, Kompani (C), Laporte, Fernandinj, Silva, Sane, Bernardo, Sterling, Aguero. Trajner: Pep Guardiola
Liverpuli: Alison; Aleksander-Arnold, Lovren, Van Dik, Robertson; Henderson, Milner, Uajnaldum; Salah, Mane, Firminjo. Trajner: Jurgen Klop
