Ilir Meta duket se po izolohet nga ndërkombëtarët. Pas sulmeve të shumta që kreu i shtetit ka lëshuar në adresë të diplomatëve të Bashkimit Evropian dhe atyre të Shteteve të Bashkuara të Amerikës, të huajt po e injorojnë në çdo takim të tyre.
Një gjë e tillë u pa qartë pak gjatë javës që shkoi, ku në Tiranë erdhën për vizitë zyrtare zyrtarët të lartë të Brukselit dhe Uashingtonit.
Bëhet fjalë për Ndihmës Sekretaren amerikane të Shtetit për Çështjet Europiane dhe Euroaziatike, Karen Donfried dhe komisionerin e Bashkimit Europian Për Zgjerimin dhe Fqinjësinë e Mirë, Oliver Varhelyi.
Dy diplomatët në fjalë nuk zhvilluan takime me kryeministrin Edi Rama, kreun e komanduar të Partisë Demorkatike, Enkelejd Alibeaj dhe deputetë pranë Lulzim Bashës, por nuk zhvilluan asnjë takim me presidentin Ilir Meta. Pra, kjo tregon se Meta po injorohet nga çdo diplomat i akredituar në vendin tonë dhe ata që vijnë për vizitë zyrtare, duke i dhënë një tjetër goditje dhe duke i treguar qartë se e kanë nxjerrë një herë e përgjithmonë nga lista e tyre.
Kësisoj nisur nga këto zhvillime, duket qartë se kreu i shtetit në ikje nuk ka asnjë lloj mbështetje nga ndërkombëtarët, kjo edhe për shkak se gjatë 5 viteve të tij në krye të Presidencës, ai ka sulmuar hapur ndërkombëtarët. Më hertë gjatë muajit shkurt të këtij viti, Meta kritikoi DASH sa i takon vendimit për Berishën.
“Nuk i lëviz asgjë atyre që kam thënë, koha Berisha po të ishte i korruptuar nuk dilte të mbronte veten. Nuk do mërzitesha nëse SHBA do shpallte non-grata Kryemadhi që dogji mandatin. Por si President i Republikës, të shpallet non-grata zonja e nderuar Liri Berisha e cila i ka shërbyer njerëzve, edhe sot që është në pension u shërben fëmijëve me probleme të autizmit.
Kjo për mua është e papranueshme por ata kanë marrë këtë vendim. Gjithçka që kërkon t’i shërbejë propagandës së një qeveria që synon asgjësimin e opozitës është e papranueshme. Të pranoj unë nga zonja Bilali dhe krushku i Muzinit të bëjnë moral kjo është e papranueshme”, deklaroi Meta.
