Mëngjesin e sotëm pasagjerët e autobusit në Shëngjin, të cilët janë edhe punëtorë të një fabrike kanë përjetuar një situatë tmerri.
Nga mali janë shkëputur masiv gurësh , të cilët kanë rënë mbi autobus. Raportohet për 2 gra të lënduara, por nuk dihet ende gjendja shëndetësore e tyre.
Dyshohet se gurët kanë rrëshqitur si pasojë e shirave të rënë gjatë natës.
Forca policie kanë nisur hetimet, ndërsa sektori i mirëmbajtjes së rrugëve ka nisur punën për pastrimin e gurëve.
