Kroacia u bë vendi i radhës që shqyrton një nismë ligjore për të rivendosur shërbimin ushtarak të detyruar për të gjithë meshkujt 18-30 vjeç.
Sipas propozimit, shërbimi ushtarak kësaj here do të zgjasë vetëm dy muaj dhe do të jetë një periudhë stërvitjeje dhe trajnimi intensiv.
Ushtarët do të paguhen 1,100 euro në muaj, shumë që, nëse marrim parasysh pagën minimale në Kroaci, 970 euro, është ekuivalenti i një page bruto prej 45 mijë lekësh në Shqipëri.
Kushdo që refuzon të mbajë armë për arsye ndërgjegjeje, do të mund të zgjedhë të stërvitet për dy muaj për emergjenca civile, por me pagë më të ulët.
Shërbimi ushtarak i detyrueshëm po shihet si zgjidhje në shumë vende të cilat nuk po arrijnë të rekrutojnë mjaftueshëm ushtarë profesionistë.
P.sh repartet ushtarake të Shqipërisë janë aktualisht me forca sa gjysma e kapaciteteve të synuara.
