Gjykata ka dhënë masën e sigurisë arrest shtëpie për 6 personat e arrestur në Tiranë, të akuzuar për tregtim te mallrave pa akcizë gjatë periudhës së Covid-19.
Pas një aksioni në kryeqytet në 6 depo farmaceutike në Tiranë, policia vuri në pranga 6 persona, konkretisht Blerim Bitri, Florian Marku, Margarita Xhaxhiu, Jani Papuli, Florian Lila dhe Bashkim Osmani. Ata në bashkëpunim me njëri-tjetrin shisnin medikamente kontrabandë gjatë periudhës së koronavirusit, ndërkohë që prokuroria kishte kërkuar masën e arrestit me burg, Gjykata konsideroi një masë më lehtësuese.
Avokatët e këtyre personave kërkuan masa më të lehta sigurie për klientët e tyre, duke thënë se nuk është koha për të arrestuar staf mjekësor. “Nuk janë kriminelë. Nuk është koha për të arrestuar staf mjekësor, kanë siguruar ilaçe ku popullata nuk mund t’i gjente në kohën e pandemisë.”
