Në orët e para të mëngjesit të sotëm një shpërthim me eksploziv tronditi Tiranën.
Ngjarja ndodhi në një banesë private në Mëzez e për pasojë mbetën të plagosur rëndë dy bashkëshortët të identifikuar si Lulzim dhe Lirie Selfo.
Shpërthimi është dëgjuar nga dhjetëra banorë të zonës, të cilët kanë lajmëruar policinë.
Burime mjekësore kanë bërë të ditur për Report TV se të lënduarit ndodhen në spital me disa dëmtime, por jashtë rrezikut për jetën.
Policia dyshon se bëhet fjalë për një konflikt pronësie, por po heton edhe për pista të tjera.
Shpërthimi ka ndodhur në momentin që çifti ka qenë në oborr dhe ka hapur derën e shtëpisë, ku mendohet se ishte vendosur tritoli.
Informacioni i policisë
Më datë 15.05.2018, rreth orës 06:22 në zonën e Mëzezit, dy shtetasit L. S., dhe L. S., (bashkëshortë) kanë qënë duke dalë për në oborrin e shtëpisë dhe në momentin që kanë hapur derën e shtëpisë ka ndodhur një shpërthim ku si pasojë e shpërthimit kanë mbetur të dëmtuar të dy bashkëshortët.
Shtetasit e dëmtuar janë transportuar në spital për ndihmë mjekësore dhe ndodhen jashtë rrezikut për jetën.
Shërbimet e policisë ndodhen në vendngjarje dhe po punohet për zbardhjen e rrethanave dhe shkakut të ngjarjes.
