I njohur për qëndrimet radikale kundër Kosovës, tenisti serb Novak Djokovic duket se është “zbutur” pas barazimit 0-0 mes Shqipërisë dhe Serbisë të shtunën mbrëma në “Arenën Kombëtare” të Tiranës.
Novak Djokovic ka folur me këtë rast në kanalet e komunikimit, duke përgëzuar ekipet kombëtare për sjelljen e tyre në fushë. “Respekti dhe loja e ndershme janë gjithmonë të mundshme! Bravo të dyja ekipeve për sjelljen e tyre”, shkroi Djokovic, duke i shoqëruar me fragmente nga takimi.
