Teksa në Shqipëri qeveria ka vendosur të mbyll lojërat e fatit, vendim që hyn në fuqi më 1 janar 2019, qeveria e Kosovës ka vendosur të rishikojë ligjin e saj për lojërat e fatit duke e zgjeruar spektrin e tij.
Me harmonizimin e ligjit qeveria synon të krijojë më shumë hapsirë për të gjitha llojeve të lojrave të fatit, që të shtohen në numër dhe nuk do të kenë ngarkesë tarifore shtesë dhe t’i afrohen sa më shumë legjislacionit të BE-së. Sipas draftit ky vendim është ndërmarrë për shumë arsye por më themelorja është shtimi i vendeve të punës dhe ulja e papunësisë në vend.
Parashikimi i bërë tregon se nga ky vendim nuk do të përfitojnë vetëm bizneset porn ë këtë mënyrë do të rritet edhe mirëqenja e qytetarëve, më shumë të ardhura do ti shtohen buxhetit, do të ketë rritje të investimeve të huaja si dhe kështu do të ulet edhe varfëria ekstreme në Kosovë.
Duket se ana sociale do të përmirësohet më së shumti pasi në projektin e qeverisë së Kosovës argumentohet se nga rritja e mirëqenies do të ketë ulje të kriminalitetit dhe dhunës në familje. Ndërsa në shqipëri lojërat e fatit janë konsideruar si një nga faktorët që ndikon në çrregullimin e ekuilibrave të familjes.
Kuadri i ri ligjor i miratuar synon të zgjerojë numrin e bizneseve, të rris klimën e të bërit biznes si dhe do të hiqen disa barrierat tarifore sicc është edhe heqja e akcizës, ndërkohë që të ardhurat nga kjo taksë vetëm për periudhën janar – qershor arrin në 7.6 milionë euro. Anlistët kanë arritur në përfundim se ligji aktual ka tepër magësi dhe ngarkesë të njëanshme dhe të tepruar tatimore.
Një tjetër objektiv i draftit është edhe ulja e informalitetit me 50%, që sipas analizës së kryer ka ardhur nga barra e lartë fiskale, dhe projeksioni më pas do të jetë rritje me 50% e të ardhurave buxhetore.
Lehtësimi nga detyrimet është marrë edhe për arsye se të ardhurat nga lojërat e fatit në Kosovë kanë ardhur gjithmonë në rënie, dhe tashmë thuhet se do të garantohet barazi në konkurueshmëri, duke patur parasysh se dhe vlera e gjobave të vendosura nga viti në vit është shumëfishuar, nga 115 mijë euro në 2015 ka arritur në 528 mijë euro në 2016.
Tashmë me hyrjen në fuqi të këtij vendimi institucionet përkatëse do të intensifikojnë më tepër monitorimin dhe luftimin e ekonomisë joinformale (TemA TV)
