Skuadra e Shqipërisë e mbylli në humbje 1-0 pjesën e parë kundër Izraelit në transfertë. Ekipi ynë zotëroi ndeshjen, por u ndëshkuam shumë shpejt nga një gabim i mbrojtjes.
Pas një aksioni mjaft të mirë me Balajn kur ishim pranë golit, harrojmë mbrojtjen bosh dhe ndëshkohemi me kundërsulm.
Mavraj dhe Xhimshiti gabojnë rëndë. Sulmuesi i Izraelit e shfrytëzon mjaft mirë dhe mposht Strakoshën për 1-0.
E marrim veten dhe dalim mjaft mirë me Balajn, por nuk shënojmë dot. Shpresojmë që të barazojmë në të dytën.
