Banesa e një nënoficeri të Forcave Ajrore në Itali është sulmuar me armë zjarri. Sipas mediave vendase mësohet se ngjarja ka ndodhur gjatë natës së kaluar ku dyshohet se një grup kriminal i përbërë me emigrantë, në mesin e tyre edhe shqiptarë kanë qëlluar të paktën 20 herë në drejtim të banesës në Muro Leçese.
Fatmirësisht si pasojë e këtij sulmi nuk pati viktima apo të plagosur, por vetëm dëme materiale, duke nënkuptuar se ka qenë një mesazh për nënoficerin.
Karabinierët po hetojnë dhe nuk përjashtojnë faktin që mund të bëhet fjalë për një ngatërresë dhe se autorët kanë pasur tjetër person në shënjestër.
Sulmi mendohet të ketë zgjatur vetëm disa sekonda, bazuar në pamjet që ka siguruar grupi hetimor. Hetimet vijojnë dhe pritet të merret në pyetje çdo banor, që mund të ketë parë apo dëgjuar diçka.
