Hetimet që zhvillohen nga autoritetet e huaja në partneritet me vendin tonë, kanë zbuluar emra të tjerë të shqiptarëve që vijojnë aktivitetin e tyre kriminal nëpër botë.
Ekzekutimet mafioze si ai në Belgjikë apo Ekuador, ku viktimat ishin nga Shqipëria kanë vënë në alarm autoritetet në vende të ndryshme.
Një tjetër emër jo pak I njohur është rikthyer sërish në qendër të vëmendjes. Laurenc Tanko, me origjinë nga Mallakastra i arrestuar vite më parë në Itali, ku së bashku me vëllain e tij dhe disa persona të tjerë morën peng financierin e Silvio Berluskonit.
Ai njihet tashmë si personi I cili po bën qarkullimin e kokainës nga Amerika Latine. Sipas asaj çka raportojnë mediat, ai e ka ngritur këtë aktivitet në lindje të Evropës. Zona në fjalë njihet për bandat që sundojnë trafikun e drogës dhe të mbijetosh aty është thuajse e pamundur.
Kohë më parë një operacion I madh u zhvillua nga policia, ku bëri sekuestrimin e një sasie droge që kapte vlerën 10 mln euro në treg. Në skemë ishin të përfshirë shqiptarë, turq dhe rumunë.
Kjo tregon përhapjen e tyre, fitimin e terrenit në Evropë. Madje kohëve të fundit, mediat ndërkombëtare kanë reaguar duke e cilësuar mafien shqiptare edhe më të rrezikshme se Ndranghetan./Top Channel
