Disa ditë më parë, një pjesë e opinionit publik mund të jetë befasuar kur Sali Berisha mori publikisht në mbrojtje kompaninë Bankers Petroleum, e cila akuzohet se për 20 vite me radhë ka bërë kërdinë me pasurinë nëntokësore shqiptare, ka shmangur taksat dhe fryrë shpenzimet, duke i shkaktuar miliarda euro dëm buxhetit të shtetit. Ndërsa gropa vlerësohet mbi 5.5 miliardë euro, pa llogaritur krimet mjedisore, Berisha akuzoi Prokurorinë e Fierit se mashtron.
Disa fakte dhe lëvizje ngrenë dyshime të forta se Familja Berisha është pjesë e korrupsionit të kompanisë Bankers, sidomos pas blerjes nga kinezët, duke marrë përqindje në këmbim të heshtjes jo vetëm individuale, por të heshtjes së opozitës.
Kompania Bankers rezulton pjesë e një liste me biznesmenë dhe kompani, që kanë paguar haraç tek fondacioni i Liri Berishës, fillimisht në këmbim të favoreve nga qeveria Berisha 2005-2014 dhe më pas për të blerë heshtjen e tij. Lista me donatorët e fondacionit rezulton e zhdukur nga faqja zyrtare e fondacionit pasi SPAK përfshiu në hetime këtë organizatë në kuadër të hetimit të korrupsionit të familjes Berisha.
Por, në listën zyrtare të rreth 80 donatorëve të zhdukur, të cilën e disponon Parapaskena, rezulton edhe kompania Bankers Petroleum, e cila ka përfituar rreth rreth 5.5 miliardë euro nga nxjerrja e naftës në Shqipëri, duke mos paguar taksa, pasi çdo vit manipulon dhe fryn shpenzimet.
Ndërkaq, Besnik Çerekja, i njohur edhe si avokat i Shkëlzen Berishës, por edhe i vrasëve të 21 Janarit, gjatë periudhës 2020-2025, ka marrë rreth 4.4 milionë euro nga komapania Bankers, me faturime të dyshuara si fiktive dhe për shërbime vetëm në letër.
Bankers kishte të punësuar me kohë të plotë ekspertë ligjorë, madje me rroga marramendëse, dhe nuk kishte nevojë për shërbimet e Besnik Cerekjas.
Atëherë pse Bankers i ka dhënë 4.4 milionë euro avokatit Besnik Cerekja, duke përfituar 20 % të shumës rimbursim me TVSH, fryrë shpenzimet dhe evituar taksat? Mos vallë paratë kanë përfunduar në xhepat e Familjes Berisha?
Pjesë e skemës së vjedhjes dhe pastrimit të parave nga Bankers janë bërë edhe Besnik Mustafaj me të birin dhe ish ministri i Financave Ridvan Bode, përmes të birit./prapaskena.com
