Kreshnik Hajdari, kryebashkiaku shtatshkurtër por me duar të gjata, disa vite më parë ka dëguar çanta me para një prokurori të Rrethit Tiranë dhe bashkëshortes së tij me pushtet, që të blinin një vilë në Gjirin e Lalëzit, asokohe me vlerën 300 mijë euro.
Hajdari shtatshkurtër, i cili mbante postin si Drejtori Rajonal i OSHEE, mendohet se ka paguar me para korrupsioni një vilë, të cilën ekskluzive.al po mbledh të gjitha provat për t’i depozituar në SPAK.
Kujtojmë këtu, se nënkrytari i Bashkisë Kuçovë Sybi Shehu, i cili asokohe mbante postin e nën Prefektit, tentoi të mbytej në ujrat e liqenit të fshatit Goraj. Sipas mesazhit të denoncuar nga Sali Berisha, Shehu kishte paguar 150 mijë euro deputetes, që ajo ta përzgjidhte emrin e tij si kandidat për Kuçovën tek kryeministri Rama.
Sybi Shehu, sipas denoncimit ka tentuar të mbytet në liqen, sepse pretendohet që pasi ka paguar 150 mijë euro, atij ia kanë hequr emrin nga lista dhe është zëvendësuar me kandidatin Kreshnik Hajdari.
Së fundi, Hajdari ka paguar 350 milion lekë për një tender të dyshimtë në bashkisë Kuçovë për asfaltimin e 1 km rrugë në fshatit Goraj, rrugë që nuk ka nevojë për punime parapake. Kjo rrugë është e gjatë 1 km, me 4 metër gjerësi, që do të thotë se vetëm për 4 000 mijë metër katror asfalt janë tenderuar nga bashkia rreth 350 milion lekë, ndërkohë që vlera reale për asfaltimin e saj arrin deri në 120 milion lekë. Pra, mbi 220 milion lekë në këtë rrugë janë vjedhje.
Nga ana tjetër, ish-drejtor i Agjensisë Shtetërore të degës së Kadastrës në Kuçovë, Fatmir Doksani, i shkarkuar nga detyra për disa shkelje të rënda, pasi dyshohej se nuk ka ekzekutuar disa vendime gjykate të formës së prerë për regjistrimin e pronave në Kucovë, ka gjetur strehë tek foleja e Kreshnik Hajdarit, duke u emëruar këshilltarë në bashki menjëherë pas shkarkimit nga detyra. E hoqi Lame, e mori Hajdari!/VIJON…
